又大一歲

今年的生日，我認為要好好獎勵自己，所以買了很多生日禮物送給自己，很高興！！難得一年一度的大日子，當然要同自己大事興祝，戰利品不是太多，但已足夠令我瞓覺都會笑醒．　

戰利品１：Fuji Natura Black F1.9
多得魔鬼魚先生，我放棄一直對佢死心塌地的RICOH GRD ．我以為我會愛佢一生一世．．．好以鐵達利號肥溫對呀JACK咁．．點知道，人是善變，再加上魔鬼魚的花言巧語及利誘底下，我終於移情別戀．投向月光機的懷抱．它不是一部數碼新歡，它是一部世人忘掉的菲林機．它是一部會吃掉我很多錢的傻瓜菲林機．很像養二奶或養狗般，不停的奉獻，但它實在是太有內涵及便宜，比起舊愛便宜一半．所以，我決定包起它慢慢玩．呵呵呵! 　我已拍了兩筒菲林，收到Scan Film 的CD後，會立即放上Flickr.

戰利品2: Ray Ban Sunglass（三層的茶金色鏡片）
不得了，簡直以為自己Madonna上身，有型都不得了．連呀寶都愛不惜口，不停的叫....要我給它聞！美益老闆話，因為我先幫換銀色架，多謝佢先，我都知我難服侍

今晚，呀MUI請了我去西宮吃了一餐好好味的法國菜．真係開心死我！至從呀MUI拍拖後，多數都是三人行，今晚KIN很忙，所以終於有機會Girl Talk．因為好耐都冇同呀MUI傾計，所以好多話題講，好好笑．

今年，在吹蠟燭蛋糕時，我胡亂的許了兩個願望，都唔知會唔會實現，當買完六合彩等中獎咁，都幾好．有冇中獎都好，好多人同我興祝生日，我已經好以中頭獎咁．就算你真係冇咩朋友，只要你有消費，便大把大公司送你生日禮物，生日卡，真係以為自己係特首，好多大公司祝你年年有今日，歲歲要洗錢囉．

真心多謝朋友們的心意，一句生日快樂，我就知道你是我的朋友 :D

**我好小氣，那些沒有說生日快樂的，不要再MSN我了，我會當他們是透明的．變成我的Ignore List一份子吧！HUH!

後記：新工上任兩個月，老闆突然對我說，我覺得你是進步了．．．很高興．哈哈．突然的生日小禮物！